Abbe Pierre borinn til grafar

Jacques Chiarc Frakklandsforseti og Dominique de Villepin, forsætisráðherra Frakklands, voru hópi fjölmargra franskra leiðtoga sem voru viðstaddir útför Abbe Pierre í París í dag. Abbe Pierre, sem lést á mánudag 94 ára að aldri, var í hópi virtustu og vinsælustu manna í Frakklandi fyrir baráttu sína í þágu heimilislausra.

Hann hét réttu nafni Henri Groues en fékk dulnefnið Abbe Pierre, sem mætti útleggjast sem Pétur ábóti, þegar hann starfaði fyrir frönsku andspyrnuhreyfinguna í síðari heimsstyrjöldinni. Hann stofnaði svo Emmaus-hreyfinguna árið 1953 sem hjálpaði bæði heimilislausum og flóttamönnum, meðal annars með því að koma á fót farfuglaheimilum víða um heim.

Abbe Pierre verður jarðsettur í kirkjugarði í bænum Esteville í Normandí.