Platini kjörinn forseti UEFA

Michel Platini, fyrrverandi leikmaður og þjálfari franska landsliðsins, var fyrir stundu kjörinn forseti Knattspyrnusambands Evrópu, UEFA, á ársþingi sambandsins í Düsseldorf í Þýskalandi. Hann atti kappi við sitjandi formann, Svíann Lennart Johansson sem setið hefur í stólnum frá árinu 1998, og hlaut 27 atkvæði en Johansson fékk 23 atkvæði.

Platini er 51 árs og á að baki stórkostlegan feril sem knattspyrnumaður og var til að mynda valinn knattspyrnumaður Evrópu þrjú ár í röð á níunda áratug síðustu aldar.

Hann þjálfaði franska landsliðið á árunum 1988 til 1992 en fór í kjölfarið að sinna uppbygginu knattspyrnunnar innan UEFA. Hann hefur verið fulltrúi í framkvæmdastjórn UEFA og FIFA frá árinu 2002. Þá er hann varaformaður franska knattspyrnusambandsins.