Öryggisráðstafanir vegna krikketkeppni

Vegabréfsreglur hafa verið hertar á Karíbahafseyjum vegna heimsmeistarakeppninnar í krikketi sem fer fram á nokkrum eyjum í mars og apríl. Íslendingar sem ætla að fljúga til 10 Karíbahafsríkja, þeirra á meðal til Jamaíka, þurfa nú vegabréfsáritun.

Ákvörðunin tekur gildi frá og með 15. janúar, sem var á mánudaginn, og gildir til 15. maí. Eyríkin sem um ræðir eru eftirfarandi: Antígva og Barbúda, Barbadoseyjar, Dóminíka, Grenada, Gvæjana, Jamaíka, Sankti Kristófer og Nevis (St. Kitts and Nevis), Santki Lúsía, Sankti Vinsent og Grenadíneyjar, Trínídad og Tóbagó.

Þessi eyríki hafa stofnað með sér sameiginlegt flugsvæði sem Íslendingar þurfa nú vegabréfsáritun inn á. Nánari upplýsingar um vegabréfsáritanir fyrir svæðið má finna hér og upplýsingar um heimsmeistarakeppnina í krikket eru á heimasíðu keppninnar.