Átök í Aþenu

Grískir víkingasveitarmenn börðust við mótmælendur í Aþenu í dag og hékk reykjarmökkur yfir miðbænum í eftirmiðdaginn. Mótmælendurnir fleygðu bensínsprengjum að lögreglumönnum, sem svöruðu með táragasi. Eldur læsti sig í fjóra bíla og eina verslun út frá sprengjunum.

Fimm lögreglumenn brenndust lítilsháttar af sprengjunum. Átökin hófust þegar um það bil 30 ungmenni sneru sér frá friðsamlegum mótmælum gegn breytingafrumvarpi á háskólalögum og fleygðu bensínsprengjum í óeirðalögreglu.

Um 9.000 námsmenn, kennarar og annað skólastarfsfólk tók þátt í mótmælunum en mun færri blönduðu sér í átökin. Breytingin á skólalögum snýst um einkaháskólar verði leyfðir, sem margir segja að muni torvelda fátækari námsmönnum að sækja langskólanám.