Hlýir vetur ógna hreindýrum í Lapplandi

Óvenju hlýr vetur hefur haft slæm áhrif á hreindýrahjarðir Sama í Norður-Svíþjóð þar sem blautur og þungur snjór og tíðar hitasveiflur gera hreindýrunum erfitt fyrir að krafsa snjóinn ofan af hreindýramosanum sem þau byggja afkomu sína á.

"Á sumum svæðum er beitin algjörlega lokuð og læst," segir Niklas Lagga, samískur hreindýrahirðir, og á þar við ísskán sem myndast yfir mosanum þegar þiðnar og frýs til skiptis. Hreindýrin ná ekki að klóra sig í gegnum ísinn með klaufunum.

Ef svo heldur sem horfir ógnar hlýnun andrúmsloftsins hefðbundnum lifnaðarháttum Sama, á þeim svæðum þar sem þeir lifa fyrst og fremst af hreindýrabúskap.