Dæmdir fyrir brandara um íslam

Dómstóll í Casablanca í Marokkó hefur dæmt tvo blaðamenn í þriggja ára skilorðsbundið fangelsi og sektað þá um hátt í 600 þúsund krónur fyrir að hæðast að íslam og draga úr siðferði almennings í vikuriti sínu.

Þar var birt grein undir yfirskriftinni „Hvernig Marokkóbúar hlæja að trú, kynlífi og stjórnmálum" en þar voru birtir brandara um Guð, spámennina og konung Marokkós sem blaðamennirnir sögðu að gengju manna á milli. Saksóknari fór hins vegar fram á þriggja til fimm ára fangelsi yfir mönnunum þar sem þeir hefðu misnotað frelsi sitt.

Auk þess að dæma blaðamennina í skilorðsbundið fangelsi og sekta þá bannaði dómstóllinn útgáfu blaðsins í tvo mánuði. Blaðamennirnir hyggjast áfrýja dómnum.