Dani og Svíi dæmdir fyrir skipulagningu hryðjuverka

Svíi og Dani fengu í dag þunga fangelsisdóma í Bosníu fyrir að leggja á ráðin um hryðjuverk. Svínn fékk fimmtán ára og fjögurra mánaða dóm en Daninn 13 ár og fjóra mánuði. Þá voru tveir Bosníumenn einnig dæmdir í fangelsi fyrir aðild að málinu.

Eftir því sem fram kemur á vef sænska ríkisúrvarpsins voru Daninn og Svíinn handteknir í Sarajevo í október 2005 eftir ábendingu frá sænsku lögreglunni. Lögregla fann í fórum þeirra sprengiefni og sprengjubelti ásamt myndbandi þar sem hryðjuverkaárásum er hótað gegn sem hafi herlið í Írak og Afganistan. Lögmenn Norðurlandabúanna lýstu því yfir við dómsuppkvaðningu að dómunum yrði áfrýjað til æðra dómsstigs í Bosníu.

Fjórir menn voru handteknir í Glostrup í Danmörku í tengslum við málið og bíða þeir þess að réttað verði yfir þeim.