ESB boðar iðnbyltingu

Evrópusambandið boðar iðnbyltingu í nýrri áætlun um aðgerðir gegn loftslagsbreytingum. Sambandið vill að aðildarríkin minnki útblástur gróðurhúsalofttegunda um 20% fyrir 2020. Jose Manuel Barroso, forseti framkvæmdastjórnar ESB, segir að það verði að samræma viðbrögð ríkjanna við loftslagsbreytingum og orkustefnuna sömuleiðis til að mæta nýjum raunveruleika og treysta orkubirgðir sambandsríkjanna. Hann segir átök Rússa og Hvít Rússa, sem hafa áhrif í Þýskalandi og Póllandi, undirstrika hversu brýnt þetta sé. Evrópa verður að taka forystuna í að þróa lág-kolefna efnahagslíf.