Sprengjutilræði í suðurhluta Filippseyja

Tvær sprengjur hafa sprungið í dag á eyjunni Mindanao sem tilheyrir Filippseyjum. Sex létust og 23 særðust þegar sprengja sprakk á markaði í borginni General Santos og nokkrum stundum síðar sprakk önnur sprengja í höfuðborg eyjunnar, Kidapawan. Engar fregnir hafa borist af manntjóni þar. Enginn hefur lýst ábyrgð á sprengjutilræðunum á hendur sér en herskáir múslímar og kommúnistar hafa áður látið að sér kveða á eyjunni. Fundur Suðaustur-Asíuríkja verður haldinn á Filippseyjum um næstu helgi og höfðu vestræn stjórnvöld varað við sprengjutilræðum í tengslum við hann í landinu.