Yfirmaður Ísraelshers segir af sér

Yfirmaður ísraelska hersins hefur sagt af sér embætti vegna herrannsóknar á stríðinu gegn skæruliðum Hisbollah í Líbanon síðastliðið sumar. Dan Halutz greindi forsætisráðherranum Ehud Olmert og varnarmálaráðherranum Amir Peretz frá ákvörðun sinni fyrr í kvöld.

Halutz sagði fyrir tveimur vikum síðan að ef rannsóknarnefndin teldi hann ábyrgan fyrir mistökum í stríðinu í Líbanon þá myndi hann segja af sér. Nefndin á hins vegar enn eftir að skila niðurstöðu og því kemur afsögn Halutz nokkuð á óvart.