Rice kannski kölluð til vitnis

Condoleezza Rice, utanríkisráðherra Bandaríkjanna, verður hugsanlega kölluð til að bera vitni við réttarhöldin yfir fyrrverandi aðstoðarmanni varaforsetans Dicks Cheneys. Rice, forveri hennar Colin Powell, varaforsetinn Dick Cheney voru á löngum lista yfir hugsanleg vitni í málinu gegn Lewis "Scooter" Libby.

Á listanum eru fjölmargir stjórnmálamenn og blaðamenn sem gætu verið kallaðir til vitnis eða snert málið á annan hátt. Málið verður eitt umfjallaðasta dómsmál þessa árs í Bandaríkjunum, enda hefur það varpað ljósi á hvernig Bandaríkjamenn tóku ákvörðunina um að ráðast inn í Írak og hvernig sú ákvörðun var rökstudd. Verjandi Libbys telur ómögulegt að skilja dómsmálið frá pólitískri umfjöllun um Íraksmálið.