Erlent

Danir ekki búnir undir veturinn

Óhætt er að segja að glundroði hafi verið á hraðbrautinni við Köge í dag þar sem fjöldaárekstur varð.
Óhætt er að segja að glundroði hafi verið á hraðbrautinni við Köge í dag þar sem fjöldaárekstur varð. MYND/ENEX
Hraðbrautinni við Köge á Sjálandi, sem er suður af Kaupmannahöfn, var lokað í dag vegna fjöldaáreksturs á veginum. Eftir því sem danskir vefmiðlar greina frá rákust í kringum 50 bílar saman í röð óhappa og var fjöldi sjúkrabíla sendur á vettvang.



Ringlureið var á staðnum í fyrstu og munu tveir ökumenn hafa fest í bílum sínum en enginn mun hafa látist í árekstrinum. Svo virðist sem snjókoma og hálka hafi komið Dönum í opna skjöldu í dag og hefur björgunarþjónustan Falck sinnt um 900 útköllum í dag, flestum á Jótlandi þar sem snjókoman var mest.

Þá hefur lögregla hvatt almenning til að leggja ekki út á hraðbrautir landsins þar sem þær séu flughálar og ekki hafi gefist tóm til að salta vegina.

Mest lesið


Fleiri fréttir

Sjá meira


×

Mest lesið