Owen vonast til að byrja að æfa í næsta mánuði

Enski landsliðsmaðurinn Michael Owen, leikmaður Newcastle, vonast til að geta hafið æfingar á ný í næsta mánuði en hann hefur verið frá vegna meiðsla sem hann hlaut á hné á heimsmeistaramótinu í Þýskalandi í fyrrasumar.

Í samtali við Sky-fréttastofan neitað Owen hins vegar að tilgreina hvenær hann teldi að hann myndi spila sinn fyrsta leik eftir meiðslin en sagði endurhæfinguna ganga vel. „Ég get tekið á sprett og sparkað boltanum eins fast og ég get án þess að finna til," sagði Owen. Hann vonast jafnframt til að félagar hans hjá Newcastle fari um hann mjúkum höndum þegar hann snýr aftur á æfingu.