Ný rök fyrir kröfum Rússa

Rússland, AP Vísindamenn, sem rannsakað hafa neðansjávarhryggi og jarðfræði hafsbotnsins undir Norðurskautsísnum, segja nú að Rússar hafi sterk rök fyrir kröfu til landgrunnsréttinda á tveggja milljón ferkílómetra stóru svæði í Norður-Íshafinu.

Þessa niðurstöðu byggja vísindamennirnir á staðfestingu á því að stór neðansjávarhryggur sem liggur eftir botni N-Íshafsins, Lomonossov-hryggurinn svonefndi, gangi út frá evrasíska meginlandinu, nánar tiltekið Síberíu sem tilheyrir Rússlandi. Þetta er haft eftir forstöðumanni rússnesku heimskautarannsóknastofnunarinnar í blaðinu Izvestiu.