Erlent

Allsherjarverkfall boðað í Líbanon

Hassan Nasrallah er snjall ræðumaður og nýtur mikillar lýðhylli. Hann á stóran hlut í velgengni flokks síns.
Hassan Nasrallah er snjall ræðumaður og nýtur mikillar lýðhylli. Hann á stóran hlut í velgengni flokks síns. MYND/AP
Stjórnarandstaðan í Líbanon, með Hisbollah í fararbroddi, ætlar að boða til allsherjarverkfalls í landinu í næstu viku. Hisbollah hefur reynt að velta ríkisstjórninni með verkföllum og mótmælum frá því í desemberbyrjun en þokast lítið. Sjíahreyfingarnar Hisbollah og Amal og kristinn flokkur undir stjórn Michels Aoun krefjast neitunarvalds í ríkisstjórninni.



Verkfallið hefst á þriðjudaginn, tveimur dögum áður en alþjóðleg söfnunarráðstefna hefst í París, þar sem fjármagni verður safnað til uppbyggingar í Líbanon.



Búist er við að Hassan Nasrallah, leiðtogi Hisbollah, komi fram á sjónvarpsstöð flokksins, al-Manar, klukkan sjö í kvöld að íslenskum tíma.

Mest lesið


Fleiri fréttir

Sjá meira


×

Mest lesið