Fjórir frá Barcelona í liði ársins hjá UEFA

Knattspyrnusamband Evrópu hefur nú birt niðurstöður úr skoðanakönnum lesenda heimasíðu sambandsins þar sem lið ársins 2006 var valið. Það kemur líklega ekki á óvart að leikmenn Barcelona og landsliðsmenn Ítalíu eru þar áberandi.

Næstum fjórar milljónir atkvæða frá 390 þúsund notendum komu inn í könnuninni á uefa.com, þar sem lesendum var gefinn kostur á að velja draumalið síðasta árs og besta þjálfarann.

Evrópumeistarar Barcelona eiga fjóra leikmenn í úrvalinu, þá Samuel Eto´o, Ronaldinho, Carles Puyol og Gianluca Zambrotta. Þá voru þeir Zambrotta, Fabio Cannavaro og Gianluigi Buffon úr ítalska landsliðinu allir í úrvalinu.

Liðið var skipað eftirtöldum leikmönnum:

Gianluigi Buffon (Juventus)

Gianluca Zambrotta (FC Barcelona)

Fabio Cannavaro (Real Madrid CF)

Carles Puyol (FC Barcelona)

Philipp Lahm (FC Bayern München)

Steven Gerrard (Liverpool FC)

Cesc Fabregas (Arsenal FC)

Kaká (AC Milan)

Ronaldinho (FC Barcelona)

Thierry Henry (Arsenal FC)

Samuel Eto'o (FC Barcelona)

Þjálfari: Frank Rijkaard (FC Barcelona)