Hugsanlegt að vændiskonum hafi verið byrlað eitur

Lögreglan í Suffolk hélt áfram leit sinni í nótt að manni sem talinn er hafa myrt fimm vændiskonur í nágrenni Ipswich. Lögreglubílar óku um stræti borgarinnar með sérstakan búnað til að bera kennsl á bílnúmer en talið er hugsanlegt að morðinginn aki bláum BMW.

Rannsókn lögreglu beinist nú meðal annars að því hvort konunum hafi verið byrlað eitur því svo virðist sem þær hafi ekki lent í neinum átökum áður en þær létust. Lögregla greindi í gær frá nafni fjórðu vændiskonunnar sem fannst á þriðjudag og búist er við að lögregla nafngreini þá fimmtu í dag.