Vikudvöl töframanns í gullfiskabúri

Bandaríski töframaðurinn David Blaine hóf í gær vikulanga dvöl í tveggja og hálfsmetersháu gullfiskabúri. Blaine fær súrefni og næringu í gegnum tvær slöngur og heldur þannig lífi. Þessu nýjasta uppátæki Blaine hefur verið gefið nafnið drekkt lifandi en búrið er í byggingunni Lincoln Center í New York. Blaine ætlar á síðasta degir dvalarinnar að halda í sér andanum í vatninu í átta mínútur og fimmtíu og átta sekúndur. Þetta er ekki í fyrsta sinn sem Blaine reynir við afrek á óvenjulegu sviði. Því Blaine hefur dvalið í glerbúri án matar í fjörtíu og fjóra daga í London fyrir þremur árum. Blaine létti sig um yfir tuttugu kíló fyrir tilraunina svo líkami hans þurfi minna súrefni.