7,3 kílóa æxli fjarlægt úr andliti stúlku

Havaísk stúlka sagði fyrstu orðin opinberlega í gær, eftir að læknar skáru æxli úr andliti hennar sem var orðið rúmlega sjö kílóa þungt. Marlia Casseus hafði beðið lengi eftir því að geta þakkað læknunum á Flórída sem björguðu lífi hennar með endurteknum skurðaðgerðum síðasta árið.

Æxlið fannst fyrst þegar Marlia Casseus var átta ára og stækkaði síðan ört og varð smátt og smátt til þess að hún gat ekki talað og andaði og mataðist í gegnum litla holu þar sem munnurinn átti að vera. Fjölskylda Marliu er ekki sjúkratryggð og gat þess vegna ekki fengið læknisaðstoð handa henni fyrr en góðgerðarsamtök söfnuðu fyrir aðgerðunum sem hún þurfti.