Ein milljón manna mótmælti

Yfir ein milljón manna tók þátt í mótmælum gegn nýjum innflytjendalögum í Bandaríkjunum í gær. Innflytjendur ákváðu að nota 1. maí, baráttudag verkalýðsins, til að sýna fram á mikilvægi innflytjenda í bandarísku samfélagi og var yfirskrift mótmælanna dagur án innflytjenda.

Innflytjendur um allt landið lögðu niður vinnu og mættu ekki í skóla til að mótmæla innflytjendalögunum. Lögin erfiða innflytjendum að fá ríkisborgararéttindi og þeir fá aðeins að vera í landinu í sex ár ef það þykir sannað að enginn Bandaríkjamaður fáist í störf sem þeir vinna.

Loka þurfti mörgum verksmiðjum í gær, mörkuðum, býlum og veitingahúsum þar sem innflytjendur mættu ekki til vinnu.