Erlent

Ekki útilokað að Milosevic hafi verið byrlað eitur

MYND/AP
Ekki er útilokað að Slobodan Milosevic, fyrrverandi forseta Júgóslavíu, hafi verið byrlað eitur en Milosevic lést úr hjartaáfalli samkvæmt bráðabirgðaniðurstöðum krufningar. Krufningin var gerð af hollenskum réttarlæknum að tveimur serbneskum réttarlæknum viðstöddum. Saksóknarar segja að eiturefnafræðileg rannsókn verði samt sem áður gerð þótt dánarorsökin liggi fyrir. Þrálátur orðrómur er á kreiki um að hann hafi stytt sér aldur, jafnvel að eitrað hafi verið fyrir honum.

Milosevic fannst látinn á laugardagsmorgun í fangaklefa sínum í Haag. Lögmaður Milosevic, fullyrðir að forsetann fyrrverandi hafi grunað að reynt hafi verið að eitra fyrir sér. Það hefði komið fram í handskrifuðu bréfi til utanríkisráðherra Rússlands.

Lögmaður Milosevic sýndi fréttamönnum bréfið í gær, orðum sínum til staðfestingar. Deilur hafa blossað upp milli ættingja Milosevic, um hvar eigi að jarða hann. Uppi eru hugmyndir um að jarða hann í Serbíu, Svartfjallalandi eða Rússlandi. Ekkja Milosevic, Mirjana Markovic, og sonur þeirra Marko flúðu til Rússlands eftir að Milosevic var handtekinn og hafa alþjóðlegar handtökuskipanir verið gefnar út á hendur þeim en þau eru eftirlýst fyrir valdníðslu í valdatíð Milosevic. Þau vilja að hann verði jarðaður í Moskvu en þau yrðu handtekin myndu þau mæta til útfara Milosevic yrði hún í Serbíu. Bróðir hins látna, vill hins vegar að hann verði grafinn í heimalandi sínu Serbíu. Þá vill dóttir Milosevic, Marija, að faðir hennar verði grafinn í Svartfjallalandi í grafreit fjölskyldunnar, um 50 km norður af höfuðborg Svartfjallalands, Podgorica.

Milosevic var ákærður fyrir þjóðarmorð og glæpi gegn mannkyninu í átökunum á Balkanskaga, meðal annars morð á 8.000 múslímum í Srebrenica í Bosníu


Erlent Fréttir

Mest lesið


Fleiri fréttir

Sjá meira


×

Mest lesið