Arabískt fyrirtæki tekur ekki við rekstir hafna í Bandaríkjunum

Arabískt fyrirtæki hefur látið undan þrýstingi frá Bandaríkjaþingi og ákveðið að hætta við að taka yfir stjórn sex hafna í Bandaríkjunum. Fyrirtækið, sem er með höfuðstöðvar í Dúbaí í Sameinuðu arabísku furstadæmunum, hefur keypt breskt fyrirtæki sem hefur séð um rekstur á höfnum í nokkrum fylkjum Bandaríkjanna.

Í tilkynningu frá fyrirtækinu segir að rekstur hafnanna verði færður til bandarískra aðila. Svo virðist því sem lausn sé fundin á deilu Bush Bandaríkjaforseta við þing vegna málsins en það virtist stefna í að forsetinn beitti neitunarvaldi í fyrsta sinn.