Aðgerðir gegn andspyrnumönnum í Írak

Bandaríkjaher hóf í gær umfangsmestu hernaðaraðgerðir í Írak frá því ráðist var inn í landið árið 2003. Yfir fimmtán hundruð bandarískir hermenn taka þátt í aðgerðunum sem beinast að meintum andspyrnu- og hryðjuverkamönnum nálægt borginni Samarra, um 80 km norður af Bagdad höfuðborg landsins. Talið er að aðgerðirnar muni standa yfir í nokkra daga samkvæmt bandarískum yfirvöldum. Í febrúar gerðu uppreisnarmenn sprengjuárás á mosku shita í Samarra með þeim afleiðingum að hörð átök hófust milli shita og súnnímúslima og er landið nú á barmi borgarastyrjaldar.