H5N1 í Danmörku

Heilbrigðisyfirvöld í Danmörku hafa staðfest að Músvákur sem fannst dauður í vikunni var smitaður af H5N1 stofni fuglaflensu. Frekari rannsóknir á hræi músváksins, sem fannst á Sjálandi í vikunni, hafa leitt í ljós að hann var smitaður af mannskæða stofninum.

Mikill viðbúnaður er á svæðinu í kring og yfirvöld hafa bannað allan útflutning eggja og fuglakjöts á tíu ferkílómetra svæði. Þriggja ferkílómetra svæði hefur verið sett í sóttkví og enn stærra svæði hefur verið girt af á meðan rannsóknir standa yfir.