Yfirheyrður bak við luktar dyr

Dómarar í réttarhöldunum yfir Saddam Hussein, fyrrverandi forseta Íraks, hafa lokað dómssalnum á meðan einræðisherrann fyrrverandi ber vitni í málinu.

Vitnaleiðslur yfir Saddam hófust í morgun og byrjaði hann á því að ávarpa írösku þjóðina og biðja hana um að hætta að berjast innbyrðis og beina frekar spjótum sínum að því sem hann kallaði innrásarher Bandaríkjamanna.

Dómarinn krafðist þess þá að Saddam hætti pólitískum áróðri sínum við yfirheyrslur. Þegar forsetinn fyrrverandi varð ekki við kröfum hans lét hann rýma dómssalinn og loka dyrum hans meðan einræðisherrann svara spurningum lögmanna.