Portúgal

Portúgalar eru í D riðli með Angólamönnum, Írönum og Mexíkóum. Þeir eiga að vinna þennan riðil enda eru þeir í sjöunda sæti á styrkleikalista FIFA. Það verður að teljast mjög ólíklegt að þeir misstígi sig í riðlakeppninni.

Portúgalar töpuðu óvænt fyrir Grikkjum í úrslitaleiknum á Evrópumótinu árið 2004. Þeir eru með lítið breytt lið frá því móti og mæta nú vel undirbúnir til leiks. Enda er það hinn knái Brasilíumaður Luis Felipe Scolari sem stýrir liðinu.

Scolari er reyndur knattspyrnustjóri en hann stýrði Brasilíska landsliðinu til sigurs á HM 2002. Hann var hársbreidd frá því að vinna EM tveimur árum seinna og nú er að sjá hvort hann vinni sína aðra heimsmeistarakeppni í röð.

Það að velja Costinha leikmann Dynamo Moskvu og Maniche leikmann Chelsea í HM hópinn þótti umdeilt þar sem þeir leika ekki reglulega. "Ég ber fullt traust til þessara leikmanna og þeir leika vel saman sem ein heild," sagði Scolari þegar hann valdi hópinn.

Sá leikmaður sem þarf að vera í banastuði á HM er hinn ungi Cristiano Ronaldo leikmaður Manchester United. Hann hefur sýnt undraverða takta á köflum en getur svo líka dottið niður. Hann gæti reynst andstæðingum Portúgal einkar erfiður í sumar ef hann leikur í sínu besta formi.

Fyrirliði: Luis Figo

Lykilmaður: Cristiano Ronaldo

Gæti slegið í gegn: Simao Sabrosa

Leikmannahópurinn:

1 Alexandre Ricardo

2 Renato Paulo Ferreira

3 Marco Caneira

4 Miguel Ricardo Costa

5 Fernando Meira

6 Francisco Costinha

7 Luis Figo

8 Armando Petit

9 Pedro Pauleta

10 Hugo Viana

11 Sabrosa Simao

12 Silva Quim

13 Luis Miguel

14 Jorge Nuno Valente

15 Luis Boa Morte

16 Alberto Ricardo Carvalho

17 Cristiano Ronaldo

18 Nuno Maniche

19 Cardoso Tiago

20 Anderson Deco

21 Miguel Nuno Gomes

22 Miguel Bruno Vale

23 Helder Postiga