Fingraför af öllum útlendingum

Bandaríkjastjórn hefur ákveðið að auka eftirlit með útlendingum sem koma inn í landið og verða fingraför nú tekin af öllum. Þetta kemur fram í yfirlýsingu sem heimavarnaráðherra Bandaríkjanna sendi frá sér í gærkvöld. Ráðherrann sagði þessa leið farna til að auka möguleika Bandaríkjamanna á að finna hryðjuverkamenn og hindra að þeir reyni að komast inn í landið. Tilkynningin er senda viku eftir að hryðjuverkamenn gerðu sprengjuárásir í London, en þeir voru reyndar allir heimamenn með breskan ríkisborgararétt. Nú þurfa allir útlendingar sem koma til Bandaríkjanna að gefa tvenn fingraför og láta taka af sér ljósmynd, líkt og gert er við innritun í fangelsi.