Kuldakast í Danmörku

Hvert kuldametið á fætur öðru hefur fallið undanfarna daga í Danmörku. Frost hefur farið niður fyrir tuttugu gráður sem er það kaldasta sem mælst hefur í átján ár. Eftir hlýjan janúar þar sem yfir hundrað ára hitamet var slegið í Danmörku lá leiðin niður á við í febrúar og veturinn teygði sig meira að segja inn í mars, sem Dönum þykir óvenjulegt. Undanfarnar vikur hafa nokkrir „snjóstormar“ gengið yfir landið og sjónvarpsstöðvarnar birt myndir af bílstjórum í vandræðum, sem stundum hafa verið dregnir upp af dönskum hermönnum á skriðdrekum. Snjómagnið í Árósum þykir ekki mikið á íslenskan mælikvarða en þó má finna einstaka snjóskafl og ruðning úti í köntum. En þetta er líka spurning um sálfræði. Lítill snjór getur skapað mikla hálku, miklar tafir og mikla gremju hjá ökumönnum, sérstaklega þegar hjólreiðamaður tekur fram úr. Viðmælendur fréttastofunnar meðal hinna fullorðnu vona margir að vorið fara að koma en dönsku börnin eru hins vegar sérstaklega ánægð með lengri vetur en venjulega.