Khodorkovskí vill á þing

Rússneski olíujöfurinn Míkhaíl Khodorkovskí hefur í hyggju að bjóða sig fram til þings í aukakosningum í Moskvu sem fram fara í desember næstkomandi þrátt fyrir að vera í fangelsi. Interfax-fréttastofan hefur eftir lögfræðingi hans að hann hafi sent kjörstjórn viðeigandi skjöl, en kosningar um sæti í Dúmunni fara fram 4. desember. Khodorkovskí var dæmdur í níu ára fangelsi fyrir fjármálamisferli í tengslum við fyrirtæki sitt, Yukos, í maí síðastliðnum en hann hefur haldið því fram að málsóknin sé runnið undan rifjum Vladímírs Pútíns Rússlandsforseta sem líti á Khodorkovskí sem ógnun á pólitískum vettvangi. Þrátt fyrir að vera í fangelsi getur Khodorkovskí tæknilega boði sig fram til þings þar sem enn á eftir að taka mál hans fyrir á æðra dómsstigi.