Ítalskir hermenn heim frá Írak

Ítalir ætla að draga herlið sitt heim frá Írak. Áætlanir um brottflutning hersins verða kynntar í janúar á næsta ári. Varnarmálráðherra Bandaríkjanna, Donald Rumsfeld, hitti Antonio Martino, varnarmálaráðherra Ítalíu, í gær þar sem Martino tilkynnti honum um áætlanir Ítala.

Um 3000 ítalskir hermenn hafa farið til Írak frá því Bandaríkjamenn ruddust inn í landið árið 2003. Ítalski varnarmálaráðherrann sagði þó að Ítalir myndu halda áfram að styðja áætlanir Bandaríkjamanna í Írak en að tími væri til kominn að kalla hermennina heim.