44 morð framin daglega í BNA

Sextán þúsund eitt hundrað þrjátíu og sjö manns voru myrtir í Bandaríkjunum í fyrra. Að meðaltali eru því framin um fjörutíu og fjögur morð á hverjum einasta degi í Bandaríkjunum. Morðum fækaði samt um nærri tvö prósent frá árinu 2003, þegar sextán þúsund og fimm hundruð manns voru myrtir. Í nýjum tölum frá bandarísku alríkislögreglunni FBI, kemur einnig fram að rúmlega níutíu þúsund nauðganir voru kærðar í Bandaríkjunum í fyrra. Nauðgunarkærum fjölgaði um tæplega eitt prósent á milli ára. Frá árinu 2000 hefur morðum fjölgað um þrjú komma fimm prósent í Bandaríkjunum og nauðgunarákærum um fimm prósent.