Lögregla skýtur verktaka

Lögregla skaut átta menn á brú í New Orleans í gær, þar af fimm eða sex til bana, að sögn varalögreglustjóra. Sagði hann mennina hafa verið vopnaða. Talsmaður verkfræðideildar hersins sagði mennina hafa verið verktaka á leið að gera við síkisvegg. Atvikið átti sér stað á Danziger-brúnni, en undir henni rennur Mississippi-flót í Pontchartrain-vatn, stöðuvatnið sem miðborg New Orleans stendur við. Fyrr um daginn hafði Michael Chertoff, ráðherra heimavarna í alríkisstjórninni, tilkynnt að í samstilltu átaki hers, þjóðvarðliðs og lögreglu væri búið að koma aftur á lögum og reglu í borginni, en algert upplausnarástand ríkti þar eftir að fellibylurinn Katrín skall á henni í byrjun síðustu viku.