Bakijev kjörinn forseti Kirgistans

Kurmanbek Bakijev hefur verið kjörinn forseti Kirgistans. Þegar búið var að telja nærri öll atkvæði í morgun hafði Bakijev hlotið nærri áttatíu og níu prósent talinna atkvæða og því unnið kosningarnar með algjörum yfirburðum. Bakijev hefur gegnt embætti forseta í um fimm mánuði eða allt síðan Askar Akajev, fyrrum forseti, flúði í útlegð eftir að gífurleg mótmæli brutust út í landinu. Þátttaka í forsetakosningunum fór fram úr björtustu vonum og var nærri sjötíu og fimm prósent. Öryggis og samvinnustofnun Evrópu, ÖSE, segir að það hafi mátt merkja „áþreifanlegar famfarir“ við framkvæmd kosninganna