Engar upplýsingar um fangaskip

Bandarísk stjórnvöld segja að engar upplýsingar séu fyrir hendi sem styðji ásakanir um að Bandaríkin haldi grunuðum hryðjuverkamönnum sem föngum um borð í skipum sínum víðs vegar um höf. Sameinuðu þjóðirnar rannsaka nú ásakanir um að Bandaríkjamenn starfræki leynilegar fangabúðir á skipunum en því er haldið fram að þau séu flest á Indlandshafi. Aðeins er um orðróm að ræða en ekkert bendir til þess að orðrómur þessi eigi við rök að styðjast. Sameinuðu þjóðirnar segja þó málið alvarlegt og beri að skoða betur.