Voru ekki að hafna ESB

Franskir og hollenskir kjósendur voru ekki að hafna Evrópusambandinu er þeir greiddu atkvæði gegn stjórnarskrársáttmála Evrópusambandsins í þjóðaratkvæðagreiðslunum um síðustu mánaðamót. Að þessari niðurstöðu var komist í skoðanakönnun sem gerð var í löndunum tveimur eftir að öruggur meirihluti kjósenda í þeim báðum hafði hafnað staðfestingu sáttmálans. Kjósendur tilgreindu mjög margvíslegar ástæður fyrir því að hafa sagt "nei", þar á meðal óánægju með efnahagsástandið og skort á upplýsingum.