Fresta gildistöku vegabréfa

Bandaríkjastjórn ætlar að veita 27 Evrópuríkjum enn lengri frest til að ganga frá rafrænum vegabréfum með stafrænum myndum og fingrafari. Ísland er meðal ríkjanna en borgarar þeirra þurfa ekki vegabréfsáritun hyggist þeir dvelja skemur en þrjá mánuði í Bandaríkjunum. Mörg ríkjanna hafa greint bandarískum yfirvöldum frá því að þau sjái sé ekki fært að uppfylla öll skilyrðin fyrir lok október næstkomandi þegar nýjustu reglurnar eiga að taka gildi. Alberto Gonzales, dómsmálaráðherra Bandaríkjanna, segir nú að ákveðið hafi verið að fresta gildistökunni enda var óttast að annars skapaðist mikil ringulreið á flugvöllum þegar fólk birtist þar með ófullnægjandi vegabréf.