Rafsanjani sigurviss

Talsverðar líkur eru á að enginn frambjóðandi fái hreinan meirihluta í fyrstu umferð írönsku forsetakosninganna sem fram fara 17. júní. Því er búist við að kjósa þurfi aftur í næstu viku á milli þeirra tveggja efstu. Slíkt hefur aldrei gerst áður í Íran. Hashemi Rafsanjani, fyrrverandi forseti, er sigurviss enda benda skoðanakannanir til að hann fái flest atkvæði. Umbótasinninn Mostafa Moin og harðlínumaðurinn Mohammad Bagher Qalibaf fylgja hins vegar fast á eftir. Búist er við að aðeins muni 55 prósent kjósenda neyta atkvæðisréttar síns og er það talið gagnast harðlínumönnum vel.