Fleiri en 350 gæludýr á heimilinu

Dýraeftirlitið í Bretlandi greindi frá því í dag það hafi aðvarað tvo húseigendur í Norfolk-héraði fyrir að hafa fleiri en 350 gæludýr á heimili sínu. Á meðal þeirra dýra sem fólkið hélt var 131 hundur, 48 kettir, 80 kanínur og 86 naggrísir. Að sögn breska dýraeftirlitsins voru sum dýranna svo illa haldin að líklegt þykir að það verði að lóga þeim. Ekki er vitað hvað fólkinu gekk til að hafa slíkan dýragarð á hemili sínu. Síðastliðinn föstudag var bresk kona handtekin fyrir illa meðferð á dýrum en hún var með 271 stykki á heimili sínu.