Ný reikisstjarna fundin

Bandarískir stjörnufræðingar hafa fundið reikistjörnu sem er sú smæsta sem vitað er um utan okkar sólkerfis. Massi hennar er ríflega sjöfalt meiri en massi jarðarinnar en ólíkt þeim reikisstjörnum sem þegar hafa verið uppgötvaðar utan sólkerfis okkar er þessi talin vera úr föstu efni. Þessi stjarna, sem stjörnufræðingarnir við Kaliforníuháskóla kalla "ofur-jörð", er á sporbaug um sólina Gliese 876 en hún er fimmtán ljósár frá jörðu, nærri stjörnumerkinu Vatnsberanum. Umferðartími hennar um Gliese 876 er aðeins tveir dagar og því er yfirborðshiti hennar 200-400 gráður. Því er ólíklegt að nokkurt líf þrífist þar.