10 létust og 80 særðust í Íran

Minnst tíu manns létust og meira en áttatíu særðust í sex sprengjuárásum í Íran í gær. Í borginni Ahvaz, sem er við landamæri Íraks, sprungu fjórar öflugar sprengjur fyrir utan ráðuneyti og aðrar byggingar stjórnvalda með þeim afleiðingum að nokkrir létust og tugir slösuðust. Í kjölfarið urðu svo tvær öflugar sprengingar í miðbænum í höfuðborginni Tehran og þar létust að minnsta kosti tveir. Forsetakosningar í Íran verða haldnar eftir aðeins fjóra daga og er talið að árásarmennirnir séu að reyna að skapa óróa í aðdraganda þeirra. Yfirvöld öryggismála í landinu telja að stuðningsmenn Saddams Husseins, fyrrverandi Íraksforseta, beri ábyrgð á árásunum.