Fangelsuð fyrir dýraníðingsskap

Bresk kona var í dag dæmd til þriggja mánaða fangelsisvistar fyrir illa meðferð á dýrum, en hún hélt alls 271 gæludýr á heimili sínu. Það blasti við ófögur sjón þegar dýraverndaryfirvöld tóku hús á hinni 55 ára Rosalind Gregson í Preston á Englandi en á heimilinu voru 246 hundar sem flestir voru í búrum sem staflað hafði verið hvert ofan á annað. Þá voru einnig páfagaukar, kettir og kanína á heimilinu en mörg dýranna voru mjög illa haldin af næringarskorti og útötuð í saur. Segja dýraverndunaryfirvöld að þegar starfsmenn embættisins hafi komið á vettvang hafi þeir átt erfitt með að anda vegna óþefjar í húsinu. Lóga þurfti níu dýranna vegna þess hve illa farin þau voru en hinum hefur verið fundið annað heimili. Það þarf vart að taka það fram að dómstólar bönnuðu Gregson að halda gæludýr framar.