Gleymdist í varðhaldi

Tuttugu og fjögurra ára gamall karlmaður frá Gíneu-Bissá sat í 22 daga í fangelsi í Danmörku án þess að eiga að vera þar vegna þess að lögreglan gleymdi honum. Dómari úrskurðaði manninn í gæsluvarðhald í byrjun maí og átti það að renna út þann átjánda þess mánaðar. Honum var hins vegar fyrst slepp í gær, 9. júní, og skýring fangelsismálayfirvalda er sú að danska lögreglan hafi gleymt máli mannsins. Þetta þykir ákaflega vandræðalegt svo ekki sé meira sagt, ekki síst í ljósi þess að á sama tíma kom sendinefnd frá Búrkína Fasó til að kynna sér réttarvernd og mannréttindi í Danmörku.