200 al-Kaídamenn í Bretlandi

Sir John Stevens, fyrrverandi yfirmaður Lundúnalögreglunnar, staðhæfði í grein í blaðinu News of the World um helgina að allt að tvö hundruð hryðjuverkamenn á snærum al-Kaída væru í Bretlandi og þeir gætu látið til skarar skríða hvenær sem er. Umdeild löggjöf um aðgerðir gegn hryðjuverkum var samþykkt í neðri deild breska þingsins í síðustu viku en lögin veita stjórnvöldum mjög ríkar heimildir til að fylgjast með meintum hryðjuverkamönnum. Stevens sagði lögin afar þýðingarmikil og þeir sem væru á móti þeim skildu ekki hættuna sem væri yfirvofandi.