Lítill áhugi á Tyrkjum

Einungis 35 prósent íbúa aðildarríkja Evrópusambandsins eru hlynnt aðild Tyrklands að sambandinu samkvæmt nýrri skoðanakönnun sem gerð var fyrir framkvæmdastjórn sambandsins. Tæpur helmingur styður aðild Rúmeníu að sambandinu en helmingur vill hleypa Búlgaríu í sambandið. Dregið hefur úr stuðningi almennings við stækkun Evrópusambandsins, óháð því hver nýju aðildarríkin yrðu. Helmingur aðspurðra vill nú fjölga aðildarríkjum sambandsins, þremur prósentustigum minna en í könnun sem gerð var í október í fyrra.