Getum gert okkur vonir um meira

"Ég er almennt þeirrar skoðunar að við sjálfstæðismenn getum gert okkur vonir um betri niðurstöðu en þessi skoðanakönnun gefur til kynna," segir Birgir Ármannsson, þingmaður Sjálfstæðisflokksins. "Stefna og verk stjórnarinnar gefa fullt tilefni til þess. Þegar fólk sér áhrif skattalagabreytinganna sem voru samþykktar fyrir jól mun fylgi flokksins aukast. Þá mun fólk finna það á eigin buddu að Sjálfstæðisflokkurinn er að hrinda í framkvæmd þeim loforðum sem gefin voru fyrir síðustu kosningar. Þessi skoðanakönnun sýnir Sjálfstæðisflokkinn svolítið yfir kjörfylgi í síðustu kosningum, en ég er á því að flokkurinn eigi að geta og muni gera betur þegar gengið verður næst að kjörborðinu."