Fyrstu lýðræðiskosningarnar

Forseti verður kosinn í Indónesíu í dag í fyrstu lýðræðislegu forsetakosningunum í þessu stærsta múslimaríki heims. Skoðanakannanir benda til þess að sitjandi forseti, Megawati Sukarnoputri, bíði lægri hlut og að Susilo Bambang Júd-hojono, hershöfðingi og fyrrverandi öryggismálaráðherra, verði kjörinn forseti. Hann hefur um 20 prósenta forskot á Sukarnoputri. Verði hann kosinn þykir það til marks um að her landsins sækist á ný eftir pólitískum áhrifum. Stjórnmálaskýrendur segja að ósigur Sukarnoputri jafngilti einnig áfellisdómi yfir henni og mætti einkum rekja til misheppnaðrar baráttu gegn spillingu sem og til bágs efnahagsástands.