Jóakim er partýdýr

Jóakim Danaprins er partýdýr, samkvæmt því sem sænska dagblaðið Expressen greinir frá. Þar segir að Jóakim sé þekktur á næturklúbbum Kaupmannahafnar, ekki síst fyrir að bregðast illa við þegar hann er beðinn um að borga. Barþjónn á einum af föstum viðkomustöðum Jóakims segir hann hrokafullan og að hann nýti sér óspart að vera konungborinn. Helst drekkur prinsinn vodka, dýrt viský og dýrt vín. - Öðru máli gegnir um Friðrik prins, hann er sagður ljúfur og þægilegur, og síðan að Mary prinsessa kom til sögunnar fer engum sögum af villtu næturlífi prinsins.