Innlent

Enn eitt inn­brotið í mið­bænum

Áróra L Davíðsdóttir skrifar
Lögregla hefur fullyrt að innbrotin í miðborginni tengist ekki skipulagðri brotastarfsemi heldur sé um  tilviljanakennd brot að ræða.
Lögregla hefur fullyrt að innbrotin í miðborginni tengist ekki skipulagðri brotastarfsemi heldur sé um  tilviljanakennd brot að ræða. Vísir/Vilhelm

Lögreglunni á höfuðborgarsvæðinu barst tilkynning um innbrotsþjóf í heimahúsi í miðborg Reykjavíkur í nótt. Þjófurinn var staðinn að verki við að brjótast inn í mannlausa íbúð en nágrannar yfirbuguðu hann og héldu honum þar til lögregla kom á vettvang.

Er þetta meðal þeirra 62 mála sem skráð voru í dagbók lögreglunnar á höfuðborgarsvæðinu í gærkvöldi og nótt. Þrír voru vistaðir í fangageymslum lögreglu.

Fjallað hefur verið um þráláta innbrotahrinu í miðborginni undanfarið en þrír hið minnsta hafa verið handteknir síðastliðnar vikur í tengslum við innbrotin. 

Auk þess var tilkynnt um innbrot í verslun í hverfi 108 í Reykjavík.

Lögreglustöð tvö barst tilkynning um tilraun til innbrots en húsráðandi hafði hrakið innbrotsþjófana á brott. Umdæmi lögreglustöðvar tvö nær yfir Hafnarfjörð og Garðabæ.

Ungmenni voru stöðvuð í Hafnarfirði á vespu en voru án ökuréttinda. Auk þess var annað ungmenni stöðvað á krossara. Viðkomandi hafi reynt að flýja lögreglu en hafi hætt fljótlega við.

Þá féll erlendur ferðamaður af rafmagnshlaupahjóli og slasaðist. Sá reyndist vera undir áhrifum áfengis við stjórn hjólsins.

Lögreglumál Reykjavík

Mest lesið


Fleiri fréttir

Sjá meira


×

Mest lesið