Kjarnorkuver verði yfirfarin

Ríkisstjórn Japans fyrirskipaði rafveitufyrirtækjum að yfirfara kjarnorkuver sín í morgun í kjölfar þess að sprenging varð í kjarnorkuveri í japönsku borginni Míhama, rúmum 300 km vestur af Tókýó, í gær. Fjórir létust í slysinu og sjö slösuðust þegar gufa streymdi út um sprungur á leiðslu. Forsætisráðherra Japans, Junichiro Koizumi, ætlar að láta rannsaka ástæður sprengingarinnar en þetta er í fyrsta skipti sem slys verður í kjarnorkuveri í Japan. Engin geislavirk efni láku út og öll hætta er sögð liðin hjá en ástæða þykir að yfirfara kjarnorkuver landsins því slys á slíkum stöðum geta óneitanlega haft alvarlegri afleiðingar í för mér sér en hvers kyns önnur slys.