Erlent

Írar geta kosið aftur um Lissabon-sáttmálann

Engar lagalegar hindranir eru fyrir því að Írar haldi aðra þjóðaratkvæðagreiðslu um Lissabon-sáttmálann. Írar höfnuðu sáttmálanum í júní en hann er eins konar stjórnarsáttmáli Evrópusambandsins og kom í stað stjórnarskrá þess sem Frakkar og Hollendingar höfnuðu í þjóðaratkvæðagreiðslum 2005.

Erlent

Eldur í Oberoi hótelinu í Mumbai

Eldtungur standa nú út frá efri hæðum Trident-Oberoi hótelsins í Mumbai. Sérsveitarmenn eru nú inni á hótelinu að reyna að frelsa gísla sem hópur herskárra islamista heldur þar. Fleiri en hundrað eru látnir og fjöldi særðir eftir hrinu árása í borginni í gær og í dag.

Erlent

Þjóðverji meðal hinna látnu

Einn Þjóðverji er meðal þeirra sem lést í árásum hryðjuverkamanna í Mumbai, og fjöldi annara er særður að sögn þýska utanríkisráðuneytisins.

Erlent

Neyðarástandi lýst yfir í Bangkok

Ríkisstjórn Taílands ætlar að lýsa yfir neyðarástandi á tveimur flugvöllum í Bangkok, höfuðborg landsins. Stjórnarandstæðingar hafa lagt þá undir sig og lokað fyrir flugumferð um þá.

Erlent

Sérsveitarmenn búa sig undir frelsun gísla í Mumbai

Fyrir skömmu varð enn ein sprenging nálægt Taj hótelinu í Mumbai. Herlið býr sig nú undir að ráðast til inngöngu í Taj og Oberoi hótelin í borginni ásamt ísraelskri menningarmiðstöð. Umsátursástand hefur ríkt við hótelin, þar sem hryðjuverkamenn sem sagðir eru tilheyra samtökunum Deccan Mujahideen halda fólki í gíslingu.

Erlent

Stálu díselolíu á Fjóni

Fjórir menn voru handteknir nálægt Bogense á Fjóni í nótt þar sem þeir voru í óða önn að stela díselolíu úr tanki á olíubirgðastöð.

Erlent

Hryðjuverkamenn felldir í Mumbai

Fjórir hryðjuverkamenn hafa verið handteknir í Mumbai á Indlandi í kvöld að því er þarlend lögregluyfirvöld segja. Níu menn eru einnig í haldi lögreglu grunaðir um aðild að hryðjuverkunum í kvöld en ráðist var til atlögu á sjö stöðum í borginni með þeim afleiðingum að áttatíu eru látnir og hundruðir særðir.

Erlent

Áttatíu látnir í hryðjuverkaárásum í Mumbai

Að minnsta kosti áttatíu eru látnir í nokkrum hriðjuverkaárásum sem framdar voru í indversku borginni Mumbai í dag. 250 eru slasaðir hið minnsta að sögn lögreglu og er óttast að tala látinna eigi eftir að hækka. Á meðal hinna látnu er yfirmaður í lögreglunni í borginni sem fór fyrir sérsveit sem berst við hryðjuverkamenn, að því er fram kemur á Reuters.

Erlent

Lykill stakkst í heila barns

Bandarískir læknar telja það kraftaverk að 20 mánaða gamalt barn skyldi sleppa óskaddað eftir að það datt á lyklakippu með þeim afleiðingum að lykill stakkst inn í höfuðkúpu þess meðfram öðru auganu og gekk inn í heilann.

Erlent

Robert Gates áfram varnarmálaráðherra

Varnarmálaráðherra Bandaríkjanna, Robert Gates, hefur þekkst boð Baracks Obama um að gegna áfram embættinu eftir að Obama tekur við sem forseti í janúar. Þetta er fullyrt á vefsíðunni Politico. Þá er sagt að James Jones, hershöfðingi á eftirlaunum, verði útnefndur öryggismálaráðgjafi Hvíta hússins. Sagt er að formlega verði tilkynnt um útnefningarnar í næstu viku.

Erlent

Vilja skoða nýtt EES-svæði í Austur-Evrópu

Framkvæmdastjórn Evrópusambandsins íhugar nú að auka samstarf sitt við sex fyrrverandi Sovétlýðveldi og koma þannig á fót nýju EES-svæði í Austur-Evrópu. Frá þessu er greint á vef EUObserver.

Erlent

Íslandsför Max Keiser

Max Keiser, fyrrum verðbréfabraskari á Wall Street en nú blaðamaður, fjármálasérfræðingur og faðir Hollywood-kauphallarinnar svokölluðu, ritar grein á vefinn Huffington Post um kynni sín af íslensku hagkerfi, leiðangur sinn hingað til að rannsaka það vorið 2007 og viðbrögð íslenskra viðmælenda þegar hann spurði þá hvað yrði þegar bólan spryngi.

Erlent

Mest lesið